تنبيه عاجل وهام الى شباب المملكه عامه وشباب الرياض خاصه
ماكذب راشد الماجد بلاحب بلا وجع قلب
قررنا نحن مجموعه من بنات الرياض بدء حمله لمقاطعكم بعنوان خليكم "رومنسيين ولا بتصيرو منسيين"
وذلك لما بدر منكم في السنوات الاخيره من استغلال لمشاعرنا الرقيقه والتلاعب بعواطفنا تحت مسمى الحب
وعليه فمن يثبت قيامه بمثل هذا الاستغلال العاطفي سيتعرض للمقاطعه فوراااااا وشوفو بقولكم شي ماعندي مانع اقلب لزبو اذا ما انصلح حالكم
بذكر لكم بعض الثوابت والحقائق الي يمارسها المستغل العاطفي على البنت المسكينه والي للاسف ما تكتشف انها تمثيل وكذب الا بعد فوات الاوان
1 :استغلال كلمة احبك بكل وقت صارت عندهم بنص ريال ولا يتردد لحظه وحده انه يقولها لك حتى لو ما امداك عرفتيه
2 :يحب يستعرض قوته عليك وخصوصا لما يكون معه عيال ويبدا يسألك اسئله غبيه>> وينك فيه؟ ومع من؟ وكم مره قايل لك ماتطلعين الا ومعطيتني خبر <<عزيزتي ترى موب غيره ولاهم يحزنون كل الموضوع انه يبي يوريهم انه الولد القوي الي تخاف مني وانا الي مشيها وهي ياااااحرام تموت فيني
3 :مايفوت لحظه وحده يقدر يتكلم فيها عن الجنس(sex) يا اما ببجاحه وفوجهك ولا بتلمحيات بايخه ومكشوفه <<مثلا حبيبتي وش لابسه تدرين جسمك يخققني احب اللون الابيض عليك ملحوووظه اللون الابيض يخقق كل العيال مدري مرتبط عندهم بأن الي تلبس ابيض بيكون شفاف ويبين جسمها ياله لك الحمد والشكر على العقل واصلن بتدرين ان وضعه متأزم لان صوته بيتغير يعوووووووه
الحب عنده = جنس
4 :انتي تحبيني اذن انتي ماترفضين لي طلب ومن هالطلبات <<صوري لي جسمك وطبعا ماله داعي اذكر الاجزاء الي يبغاها بالصور ,الويك اند هذا ابي اشوفك , حبيبتي انا بنام صحيني الساعه 6 الصباح ليييييييييش وش قالو لك عني ساعه خراشه <<اكره ما اكره هالطلب وانتي ياغافلين لكم الله قومي من صباح الله خير وصحي فيه الين يصحى سيد الحسن والدلال<جعل الدلال تطيح فوق راسك
5 :يتحسس من كلمة زواج خطبه وكأنك سابه اهله ويحاول يقنعك انه يحبك ومتمسك فيك لحد النهايه وانتي الوحيده الي قدر يرتاح لها بس سالفة ارتباط رسمي NO F…ING WAY
6 :عنده جوالين قدامك طبعا وبزعم انا صريح وما اخبي شي عنك بس الحقيقه ان عنده 4 او يمكن 5 ارقام لزوم التضبيط
7:هو فريد عصره وزمانه والوسيم المبدع الحساس الي كل بنات المملكه يروحون ملح مع ابتسامته وتراهم هم الي يرقموني وترى انا ما اعطيهم وجه والحقيقه هي انه ماترك بنت في التحليه, تركي الاول, النت لوق, الفيس بوك, الثمامه ,ام الحمام الا وعطاها رقمه بعد مالحقها وحجر للسواق وحط الرقم جوا شنطة الخدامه لوووول
8 :قلبي شوي واكلمك = جالس اكلم وحده ثانيه برقمي الثاني = رددي يااااليل ما اطولك على بال ما يرجع يدق عليك ويمكن ما يدق لانه ببساطه نسى ولا نام نامت عليه طوفه
9 :نقطه مهمه ينقطع قلبه ويدوخ وراك السبع دوخات الين ما يحصلك <<يعشق التحدي لول
ولما يحصلك وتصيرن بين يدينه خلاص تروح الاثاره ويبدى يدور على شي جديد
10 :كلمات دايم على لسانه أ: انتي متغيره << في الحقيقه هو الي بدا يتغير بس ينطبق عليه مثل ضربني وبكى
ب: حاس فيك شي وش الي مكدر خاطرك <<نوع من انواع التخقيق الغبي لازم يحسسونك انهم الصدر الحنون الي تلجأين له وقت الشده وهو من جنبها اصلن
يا شباب ياحلوين متى تفهمون اننا خلاص صرنا كاشفين كل حركاتكم وماراح تطوف علينا هالامور.
انا ما اقول كل الشباب كذا الا من رحم ربي طبعا وعلى فكره نسبتهم بســـــــــيطه ما تتعدى ال5% بس ليش تصير النسبه الغالبه هي النسبه المشوهه
ليش تجي للبنت من طريق حب وما حب وانت غرضك تشبيك وشي براسك ولما تطيحه خلاص ترميها وكأنها شي تافه ناسي انها انسانه وتحس!!!
على فكره انتو بعد تخربون على بعضكم كذا تدرون كيف؟
لما تشبك لك وحده وخلاص تنتهي مدة صلاحيتها عندك ترميها صح؟
يبي يجي يستلمها واحد بعدك تكون فيها انواع العقد منك وتطلعها على راس هذا ويـــــــــــله هلم جره
هالايميل ابيه يوصل لكل بنت ولكل ولد
عشان البنت تصحى يعني تعالي ياحلوه بتقنعيني ولا تقنعين نفسك انه يحبك ؟
تدرين انه لعااااب ومع كذا مستمره ؟!!
ليش ؟
تخافين تعيشين من غير حبيب
اذا هذا هو وهذي فعايله الله الغني عنه وترى ماقد سمعت ببنت ماتت يوم بطلت تكلم لوووول
وانت يا فالنتينو خلاص يا بطل راحت عليك يعني اتوقع بعد الكلام الي كتبته المفروض المفروض لو عندك دم بتتعدل اما اذا اصريت وتنحت وماشغلت مخك فالله الغني عنك وبنقاطعكم يعني قاطعنا منتجات دنماركيه واسرائيليه ما احنا عجزانين عنكم <<شطحه لووووووول
بس والله جادين 100%
اقول يابو / يآم الشباب ماودك تناسبنا هع
الإثنين أبريل 27, 2009 3:48 am
عادي نروح الشرقيـــه