][....رواية منتهى الرقهـ....][

تاريخ التسجيل : 01/06/2009 عدد المساهمات : 4

السلام عليكم

اخباركم حبايبي

اليوم جايبه لكم اول روايه لي

>> رواية منتهى الرقهـ <<

يلا اقروها وعطوني رايكم بكل صراااحهـ

الصداقة شيء حلو إذا كانت تخلو من الحقد والغيرة ومافي شيء أحلى من الصداقة لانها هي الحل الوسط لاحب يرفعك فوق ولاحقد ينزلك تحت...

نوره والعنود كانت تجمعهم صداقه أخويه ،تعرفوا على بعض بآخر مرحله بالمتوسطة، أول لقاء لهم عند باب الفصل..

نوره:العنود ممكن أطلع معك؟

العنود: وين؟؟

نوره:نتمشى بالمدرسه أشوي

العنود:أي عادي،خلاص بالفسحه

نوره:طيب

][بعدها دق جرس الفسحه وطلعت نوره والعنود مع بعض][

العنود:عادي أمسك يدك؟

نوره:أي عادي

العنود:نوره تحبين؟

نوره: أي أحب ،وأنتي؟

العنود:آه أنا أعشق ساره

نوره:ساره؟ومن ساره وينها؟

العنود:ساره بالثانويه بس أنا أحبها أكثر من أمي

نوره:أها يعني الحين أنتي من دونها وحيده؟

العنود:أي والله هي بالنسبه لي الدنيا كلها،بس ماقلتي لي من تحبين؟

نوره:أحب صديق أخوي بس هو يعتبرني مثل أخته

العنود:ههههه شكلك ماتعرفين تحبين

نوره:وتحسبين الحب لأي أحد؟

العنود:لاتزعلين أمزح

][وبعدها بدأت صداقتهم،نوره أخذت رقم ساره وتعرفة عليها،كانت ساره توصي نوره على العنود،ونوره قدها وقدود،وبعد أربع شهور أنتهت المرحله المتوسطه وعلى ابواب الثانويه كل

وحده منهم راحت مدرسه أم العنود إداريه بالمتوسطه فنقلت بنتها الى المدرسه التاسعه اللي فيها ساره،ونوره بمدرسه غير المدرسه اللي فيها العنود وساره وبعد أسبوع واحد بالضبط

أتصلت العنود على نوره][

العنود: ألو هلا

نوره:هلا بهالصوت

العنود:وينك يالقاطعه؟

نوره: والله بالدنيا

العنود:اقول نويرتعالي المدرسه التاسعه

نوره: ماتقدرين على فراقي

العنود:حاولي تكفين

نوره:بكلم زوجه عمي تتوسط لي

العنود:جيتك أكيده؟؟

نوره:إنشاء الله

][وبعد يومين من الاتصال انتقلت نوره من المدرسه الثامنه الى التاسعه اللي فيها العنود وساره وأول ما العنود شافت نوره][

العنود:بهالسرعه نقلتي؟؟

نوره:من يتكئ وراء شجره ضخمه يجد نفسه بالظل دوماً

العنود ونوره:هههههههههه

][سارة تحضن العنود ويتبادلون البوسات ويقولون كلام الحب ونوره قارفه منهم ومن أسلوبهم المقزز

،فجاءه بنظره شدة انتباه نوره:هلا شذوي

شذى(بالصراخ):نوره؟ما أصدق تغيرتي والله ما عرفتك تخيلي سنتين بدون اسمع صوتك ولا أشوفك تعالي معي أشوي عندي لك سوالف ياي أحس ودي أطير من الوناسه

][بعدها أتركت نوره العنود وصارت مع شذى،قدر العنود قّل بعين الناس لأنها لولا نوره ماصارت لها سمعه طيبه وما حد عرفها][

العنود:ساره شوفي نوير راحت مع شذى

ساره:احسن انا مو متحملتها

العنود:ياليتني ماقلت لها تجي المدرسه

ساره:خلاص حياتي خليها براحتها

العنود(بخاطرها):والله لأخرب عليك يا نوره

شذى:نوره لا تروحين مع ساره و العنود ذولا صايعين وانا اخاف عليك منهم

نوره: اللي مع ربه مايضيع لو تلف عليه كل الشياطين

شذى:نوري عندك أيميل؟

نوره:أيه عندي تو جديد تعالي اكتبيه واليوم ضيفيني

][وبعد ما أرجعت نوره البيت راحت عند الكمبيوتر المكتبي وفتحت أيميلها وأقبلت إضافة شذى كانت أول أضافه بالا يميل ،راحت نوره لأخوها حمد][

نوره:حمد هذا ايميلي

حمد:ليه انتي سويتي ايميل؟؟

نوره:ايه

حمد:أختي لاتقبلين اضافه ماتعرفينها ولاتدخلين الشات

نوره:أف طيب طيب ][نوره فضوليه اشوي حاولت تعرف عن الشات وليه اخوها منعها ، وأدخلت للشات][

نوره:هلا شباب وبنات كيفكم؟

الشباب:هلا ياقمر ][أشوي محادثات خاصه ونوره اختارت وحده منهم][

أحمد:هلا قمر نورتي

نوره:هلابك ممكن سؤال؟

أحمد:عيوني لك آمري

نوره:أخوي منعني عن الشات برايك ليه؟

أحمد :لانه خايف عليك حتى انا لو اختي تدخل اذبحها

نوره:تتوقع اخوي يدخل؟؟

أحمد:اكيد يدخل ولو هو مايدخل كنتي ما دخلتي،كم عمرك؟

نوره 17 سنه،وأنت؟

أحمد:20 سنه،حبيبتي عطيني ايميلك

نوره:طيب بس شرط ما تأذيني ولاتضيعني انا ايميلي مافيه الا اخواني حمد وتركي بس

][بعدها نوره عطت احمد ايميلها وصارت تسولف معه وياخذ اخبارها وتاخذ اخباره،أحمد ساكن بالغربيه ونوره بالشرقيه...وخلال شهر توزع ايميل نوره بالمدرسه لدرجة ان المعلمات

اخذوه، اليوم اللي بعده بالمدرسه ][

نوره:شذى تدخلين الشات؟؟

شذى(بكذب):هاا لا لا ما ادخل

نوره:شذى لاتكذبين علي انا اعرفك

شذى(نزلت راسها):نوره اللي تدخل الشات معناها تكلم شباب بعدين الناس مايحبونها ويقولون عنها صايعه وماتربت

نوره:طيب ماراح اقول لاحد وانتي اكتمي سري الى يوم وفاتي بصراحه انا دخلت وتعرفت على واحد لكن ما اخذ رقمي ولا صورتي

شذى:نوره لا لا اتركيه الشباب غدارين وما عندهم صدق نيه

نوره:ههههههه بعدك ماعرفتيني ما يقدر على وانا اذكى من نيوتن

شذى:براحتك بس انا حذرتك وانتي بكيفك

][مرت العنود وساره قريب من شذى ونوره][

ساره:نوتي شوفي تفكر نفسها حلوه

العنود(بصوت عالي):كثير عساهم الموت

نوره(بأبتسامه):ياكثر الناس اللي عذبتهم بفراقي وقهرتهم بغروري

شذى:فديت قلبك انا نوره:تحسبين نفسك احمد تتغزلين فيني

نوره وشذى:هههههههههههه

][وبعد 4 شهور جاءت العطله الصيفيه والكل فرحان بنجاحه اما العنود فسقطت(رسبت) بـ الادب والتاريخ وصل لـ نوره الخبر وفزع قلبها وبكل طيبه راحت نوره لبيت العنود افتحت

الخادمه الباب واخذت الكيس من نوره وعطته العنود افتحت العنود الكيس واخذت الرساله

(جزىء الله الشدايد كل خير عرفة فيها صديقي من عدوي واللي يحب نفسه مايخلص لغيره اما انا خاويتك وماغدرتك وان تركتك فما نسيتك لاني اعرف ان الصديق اللي اول من يفزع لك

وقت حزنك وما ينتظر منك طلب المهم داخل الكيس كتابي الأدب والتاريخ خذيهم وعسا ربي يوفقك من صديقتك المخلصة نوره )

سيطر على العنود حُبها لـ ساره وما عطت نفسها فرصه كانت كُتبها معباءه بكلام الحب وبعد ما قراءة الرسالة حست بعجزها لكن ما راحت تعتذر بسبب التكابر اللي فيها][

تاريخ التسجيل : 01/06/2009 عدد المساهمات : 4

أحمد رسل رسالة بريدعلى ايميل نوره(إذا كانت نسبتك بين الـ 88 و100 لك مني مفاجئه وهذا رقم جوالي ********05أتصلي علي وانا اسبوع الجاي بجي الشرقيه)

أخذت نوره جوال امها واتصلت على احمد...

نوره:قبل السلام ايش المفاجئه؟؟

أحمد:اول شيء كم نسبتك؟

نوره:89

أحمد:أووووووه لازينه

نوره:يلا شنو المفاجئه؟؟

أحمد:أشتريت لك لاب توب وجوال وأنا هذا الاسبوع جاي لك الشرقيه

نوره:من حسن حظك ان بيتنا بدايت الشرقيه

أحمد:خلاص العشاء عندكم

نوره:ههههه حياك ذوق طبخي ][وقبل لايوصل أحمد بيومين أتصلت وحده على ام نوره كانت تبي نوره زوجه لولدها طبعاً أم نوره ارفضت لان عند نوره اختين اكبر منها ما تزوجوا

ومن قهر ام نوره ليه الناس ما يبقون الا نوره ،قبل لاتسوي العشاء نادت نوره][

أم نوره:نوره تعاااااالي

نوره :نعم امي ايش بقيتي؟

أم نوره:شيلي اسطوانة الغاز الجديده

نوره:أمي ثقيله ما اقدر

أم نوره:تعصين كلامي بعد؟

نوره: طيب الشكوى لله ][ وبالموت شالتها بعد هاليومين اتصل احمد على رقم الجوال اللي نوره اتصلت منه(جوال امها) من سؤء الحظ صادف ان ابوها هو اللي فتح الرساله][

أبو نوره: حبيبك وصل لك؟و رقم غريب من هذا؟ أمل نادي نوره بسرعه

نوره:نعم

ابو نوره:تعرفين هذا الرقم؟

نوره:أيه صديقتي

ابو نوره: صديقتك ولا صديقك؟

نوره:تشك فيني

ابو نوره(رمى الجوال عليها):وليه تكتب حبيبك؟اتصلي عليها وخليني اسمع صوتها

نوره:هي تسأل عن كتاب انا احبه طيب راح اتصل][من الذكاء امسحت الرساله][ ابوي ماترد

ابو نوره:هاتي الجوال اشوف ][وشاف ان الرساله محذوفه بعدها صار يشك بنوره،اما نوره فتفكر كيف تكلم احمد؟ راحت غرفة اخوها وهو يتروش واخذت الجوال وارسلت لأحمد

رساله(هذا جوال اخوي وذا جوال امي انت اذا وصلت عند المحل الفلاني امسك الطريق واول تقاطع روح بعده يمين ووقف عند الصيدليه*** وهذا رقم بيتنا اول ما توصل

كلمني*******03)

وصل احمد و اتصل على بيت نوره كانت تنتظره ردت عليه وقالت له انتظر عند باب الصيدليه دقايق وانا جايه][

نوره:أمي بروح اشتري لي صبغه من الصيدليه ][واطلعت شافته واقف بالضبط عند باب الصيدليه ناظرها وناظرته دخلت ودخل وراها راحت عند جهت الصبغات وهو قريب منها][

نوره:لو سمحت بكم هذي؟

البايع:مكتوب عليها

احمد:توقعت انك نوره

نوره:يالطويل ماتوقعت انك بذا الجمال

احمد:هههههه ياقزمه تعالي السياره انا انتظرك

نوره:طيب روح وانا جايه وراك ][ركب احمد السياره ونوره قبل لاتركب قالت له يعطيها مفتاح السياره ][

احمد:ما أدري متى تثقين فيني يابنت الحلال قلت لك ما راح اضرك افهمي

نوره :بعطيك اياه تتحرك عند هذا البيت وترجعه لي وان ما سمعت الكلام والله اموتك

][وقف احمد السياره عند البيت اللي شجرته كبيره وغفل ابواب السياره نوره بهاللحظه خافت ][

نوره:أحمد بلا جنون افتح الابواب

احمد:بشرط انك تكشفين لي وجهك ][واكشفت نوره وجهها][

احمد:الله اكبر انتي ملاك ولا حورية بحر ما اظنك مثلنا بشر

نوره:اقول لاتبالغ

احمد:والله ما ابالغ،وهذا انا فتحت لك ابواب السياره وهذا المفاتيح

نوره: احمد حطها ببالك انا حفرت قبري بنفسي يوم جيتك

احمد:طيب خذي هديتك وروحي البيت

نوره:لا لا انا بس باخذ الجوال وبكلمك منه اما المحمول خله عندك بعدين افكر كيف اخذه..يلا باااااي

][نزلت نوره وعند باب بيتهم صادفها اخوها حمد وهو طالع وهي داخله][

حمد:وين كنتي؟

نوره:بالصيدليه

حمد:مره ثانيه لاتطلعين لحالك

نوره:طيب

][حمد جلس عند باب بيتهم وهو طفشان ويبي يطلع،أحمد انتبه لـ حمد ونزل احمد من السياره وقابل اخو نوره اللي هو حمد][

أحمد:السلام عليكم يا الطيب

حمد:هلا وعليكم السلام

أحمد:اخوي انا غريب عن المنطقه ممكن تخدمني؟؟

حمد:آمر

أحمد:في فندق قريب من هنا؟؟وينه؟ ][وكانت ملامح احمد تريح ، فـ حمد وثق فيه ][

حمد:طيب خلينا نركب سيارتك وانا منها اعرفك على نفسي ومنها اعرفك على المنطقه

احمد(بأبتسامه):والله انك اسعدتني ][وركب حمد مع احمد السياره وحمد هو اللي يسوق السياره ][

حمد:اقول يالطيب انت وين تشتغل؟ وايش عندك هنا اقصد بالشرقيه؟

احمد:أنا أسمي أحمد وما أشتغل باقي لي آخر سنه بالكليه قسم اتصالات وناوي اكمله عندكم

حمد:انا بعد قسم اتصالات بس خلصت الكليه والى الحين ادور لي شغل،بس وصلنا هذا الفندق بينه وبين بيتنا يمكن 3 دقايق

احمد:ههههه احسن علشان ازعجك

حمد:تمون يا خويي،وعادي تتعرف على ربعي بعد؟ وتسهر معنا اليوم بالاستراحه؟

احمد:أكيد عادي انا جاي لحالي وما معي احد

][ونزل حمد واحمد للفندق، طبعاً كله عوايل بس لان صاحب الفندق يعرف نايف صديق حمد فسمح لـ أحمد انه يسكن بغرفه][

حمد:انت ارتاح وهذا رقمي وقت ماتحتاجني اتصل علي انا بخدمتك

احمد:وين رايح تعال اجلس معي ياشيخ مو شايفني لحالي

حمد:طيب بروح اجيب لك حاجه تاكلها

احمد:الله معاك بس لاتطول

حمد: انشاء الله

][حمد واحمد قضوا اليوم مع بعض،حمد عرّف احمد على اماكن المطاعم والمجمعات وكل حاجه][

(والساعه9 بالليل كالعاده حمد يسهر بالاستراحه عند الربع ،سوالف وسوامري ولعب، دخل حمد على الشباب ومعاه احمد)

حمد:هلا شباب هذا خويي احمد

الشباب:هلا والله شرفتنا

تاريخ التسجيل : 01/06/2009 عدد المساهمات : 4

][احمد ارتاح للشباب وحس انه واحد منهم،فجاءه مع الازعاج والوناسه يدق جوال حمد ويعم الهدؤ طبعاً علشان يعلقون على الكلام][

حمد(بنفس شينه):نعم

نوره:أخوي الحق علي بموت مو قادره اوقف على رجليني

حمد:ليه؟

نوره: ظهري يألمني وأبوي نايم وما في احد حولي

حمد:لاتتحركين انا جاي لك ][حمد غفل الجوال بجنون وملامحه تغيرت][

حمد:أحمد يلاقوم

فهد:وين؟ تو بدري

نايف:حمدأهلك فيهم شي؟

راشد:أكيد أخته مسويه مصيبه

يوسف:تبيه يقول لها قصه

الشباب:ههههههههههههه ][طلع احمد وحمد ونايف وراهم ،نايف مسك حمد من كتفه :أختك فيها شي؟

حمد(يصرخه):تعبانه خلاااص

(فزع قلب احمدوسحب حمد للسياره:أختك تعبانه وتوقف يلا على البيت

][وبعد ما وصلوا البيت][

حمد:شكراً أحمد خلاص بوصل اختي بسيارتي

أحمد:حشا والحشا عن ألف يمين بسيارتي

][دخل حمد البيت مثل المجنون ،البيت هدؤ والكل نايم ،حمد يحب اخته نوره كثير ويخاف عليها حتى من الظل ،دخل غرفتها ولقاها على الارض وحالتها حاله ،اخذ المفرش اللي على السرير ولفها به وطلع من البيت مرعوب و نوره على يدينه تتئوه من الاوجاع،

احمد فتح باب السياره الخلفي وبخاطره:يارب خذ من روحي وعطيها،ودموعه بعيونه ،

توجهوا للمستشفى احمد بالانتظار وحمد ينتظر الدكتور عند غرفة الطوارىء،بعد ما طلع الدكتور اسأله حمد:كيف حال اختي؟

الدكتور(نزل راسه):أختك

][قام احمد مثل المجنون مقاطع كلام الدكتور وماسك له جيبه بقوه][:أسمع نوره لازم تعيش فاهم؟

الدكتور:طيب روق يا ابن الحلال نوره صابها خلل بالعمود الفقري ولازم نسوي لها عمليه واحتمال نجاح العمليه 1% وهي محتاجه دم

احمد(يصرخ بوجه الدكتور):خذ كل دمي وعطها

][حمد يناظر احمد وساكت ومستغرب؟!بعدين قال يمكن أحمد عاطفي][

حمد:دكتور عطني الاوراق أوقع على قبول العمليه

احمد:أسمع يادكتورإذا البنت راحت بين يدينك والله اني بقتلك بيديني

][حمد مستغرب من ردة الفعل اما الدكتور انقهر من كلام احمد وتهديده وقرر انه يقتل نوره، وقع حمد على اوراق العمليه ودخل الدكتور على نوره واخذ ابره فيها هواء يبي يفرغها بقلبها كشف عن وجهها وتراجع اشوي بعدين ضرب الابره بالسرير وفرغ الابره،

بهاللحظه نوره كانت تقول:ما كان لازم اشيلها

قرب الدكتور من اذنها: تشيلين ايش؟

نوره:أسطوانة الغاز

الدكتور:وليه تشيلينها انتي مجنونه؟؟

((بصمت مفاجئ نوره صابتها غيبوبه ،الدكتور خاف تكون ماتت فنادى للدكتورات يسعفونها ،أخذوها لغرفة الانعاش ))

][راح الدكتور لـ حمد :الحين لازم احد يتبرع بالدم لـ نوره ضروري

أحمد:أنا جاهز

حمد:خير انشاء الله انا اخوها

الدكتور :تعالوا اثنينكم وحنا بنطابق الدم

][دم احمد ودم حمد مايطابق دم نوره][

حمد:طيب تصرف ،روح لبنك الدم وخذ منهم

الدكتور:خلاص انتوا ارتاحوا وحنا نتصرف

][احمد ساكت يتذكر كلام نوره له كانت تقول له:الشيء اللي تبيه بيصير واللي تتمناه راح يتحقق بس انت اذكر الله لان كل الامنيات باب مغفول ومفتاحه الاستغفار،وانزلت الدمعه من وسط عينه وصار يستغفر،حمد يناظره متعجب! سبحان من خلاه يهدئ ،جلس بجمبه ومسح دمعته][

حمد: أنت ليه بكيت؟

أحمد:مايهون علي اشوف ليلك بالمستشفى وروعاته

حمد:انت توك اليوم عرفتني بهالسرعه تعلمت علي؟ ][وكان حمد شاك بحاجه ويحاول ينّطق احمد][

أحمد(ضرب كتف حمد وغمز له):أذكر الله ياخويي عسا اختك تقوم بالسلامه

][ومرت 9 ساعات حمد نايم على كرسي غرفة الانتظار واحمد يحاتي نوره ،صارت الساعه 6 صباحاً،جاء الدكتور][

أحمد:هااا بشر؟

الدكتور:الحمد لله تعدت مرحلة الخطر والعمليه انجحت بس لازم تاكل معها نزيف وهي اساسً فيها فقر دم حاااد

احمد:طيب وينها الحين؟؟

الدكتور: بالدور الثاني غرفه 125

احمد:شكراً ][ راح احمد لـ نوره وكانت نايمه والاجهزه عليها قرب منها وهو يناظر ملامحها][

احمد:سبحان من كملك وسواك بمنتهى الرقه ألف بنت عرفتها ما حركت قلبي وانتي الوحيده اللي من عرفتك وانا مجنون اقسم بربي انك معذبتهم كلهم

دخلت الدكتوره: لوسمحت ممكن تطلع؟

احمد:ليه؟

الدكتوره:أبي اكلم المريضه

احمد:طيب ][وقف احمد عند الباب يسمع كلام الدكتوره وهي تقول لـ نوره :حبيبتي اصحي اشوي بكلمك (وتكرر) ,,تحركت نوره اشوي,,

الدكتوره:إذا كنتي تسمعيني قولي لي ليه تشيلين اسطوانة الغاز؟أنتي متعمده ولا فيه احد قال لك؟

][ نوره ماترد لان اثر البنج فيها،نزل احمد لـ حمد وجلسه من النوم ][

احمد:قوم قوم

حمد:ايش عندك؟

احمد:اختك طلعوها من العنايه

حمد:والله؟

احمد: ايه بس الدكتور قال لي انها شايله اسطوانة الغاز لحالها

حمد(مستغرب):ليه سوت كذا؟

احمد:تعال معي لها هي بغرفة التنويم

][ احمد وحمد راحوا لـ نوره ][

حمد:انت وقف هنا لا تدخل

احمد:طيب طمني عليها ][دخل حمد للغرفه منهار وشد شعر نوره:قومي قولي لي ليه سويتي كذا ليه؟

نوره(مرعوبه و تتألم):آه حمد أترك شعري أنت تألمني

حمد:قولي لي ليه سويتي بحالك كذا ؟ ماتدرين اني اعزك من بين خواتي كلهم؟

نوره:حمد ما كان قصدي أذي نفسي

حمد:أمي وهي أمي ما تشيلها لحالها

نوره:أنا آسفة

حمد:ايش يفيد الأسف وأنتي بذا الحال؟

نوره:طيب ايش أسوي الحين؟؟

حمد:لازم ترجعين البيت أخاف أمي وأبوي ينشغل بالهم عليك، بروح أوقع استئذان وارجع لك.

][الدكتور طلع نوره على مسؤولية حمد أخوها وبعد توقيع بأن تتوفر لها العناية الكاملة][

نوره: حمد ما عندي عبايه كيف اطلع ؟

حمد:طيب انتظري بدبر لك عبايه وأرجع ][راح حمد لـ دكتورة خليجيه][

حمد:لو سمحتي ممكن طلب؟

الدكتورة:نعم

حمد:اختي جات للمستشفى بدون عباية ممكن تعطينها عبايتك؟

الدكتوره:وايش يضمن لي انك ترجع عبايتي؟

حمد:خذي بطاقتي وخلال ساعه اذا ما ارجعت لك عبايتك اتصلي على الامن

][اخذت الدكتوره البطاقه وحمد اخذ العبايه لنوره،اما احمد ركب سيارته ينتظرهم،طلع حمد من باب المستشفى ماسك كرسي متحرك ونوره على الكرسي،وبعد ما اوصلوا عند السياره

تاريخ التسجيل : 01/06/2009 عدد المساهمات : 4

نوره تناظر احمد(متعجبه):حمد من هذا؟

][واحمد يسمعها ويبتسم لانها تسوي نفسها ما تعرفه][

حمد:صديقي انتي ما عليك منه ارتاحي

][نوره تناظر فيه وخايفه يكون قال لاخوها عن كل شي ،

وبعدما اوصلوا للبيت ادخلت نوره غرفتها واخذ حمد عباية الدكتوره ورجع حمد للمستشفى "سلم العبايه للدكتوره واخذ بطاقته"وهم طالعين الدكتور قابل حمد][

الدكتور:الحمد لله اني لقيتك

حمد:خير انشاء الله

الدكتور:هذي ورقة تحليل اختك اخذها "وانا لله وانا اليه راجعون"

][حمد اخذ الورقه و مو متحمل الصدمه القويه][

حمد(والدموع تملي عيونه):احمد خلينا نرجع للبيت

احمد:والله مانرجع قبل ما اعرف النتيجه ][سحب الورقه من يد حمد وابتسم][

احمد:تحسب اللي يصيبها عقم ماتتعالج؟

حمد(بنظره غريبه):بس أنا ما احب اشوف اختي حزينه

احمد:حمد لاتردني انا بخطبها

حمد(بأبتسامه مصطنعه):والله ياسهل الكلام

][بعدها رجع حمد للبيت ودخل غرفته وما طلع منها ،أما احمد فرجع للفندق يفكر كيف يعالج نوره؟؟،

الساعه 7 الصباح أهل نوره صحوا من النوم وطبعاً ماحد سأل عن نوره لانهم تعلموا على انها تصحى من النوم متأخر

ومرت الساعات وصحت نوره من النوم وقامت اخذت الجوال واتصلت على احمد بس مارد عليها لانه كان نايم ،

انشغل بالها عليه فأرسلت له رساله(من حبي لك صرت اتخيلك،وامس تخيلت انك تعرف اخوي)

صدفه دخات مروى اخت نوره ،ونوره ما انتبهت لها][

مروى: من جواله؟

نوره:بسم الله خوفتيني،هذا الجوال هديه من شذى صديقتي بس لاتقولين لأحد طيب؟

مروى:طيب ولايهمك،نوري انتي تعبانه؟

نوره:أي والله بس الحمد لله احس اني ارتحت اشوي

مروى:صحيح بكره اختبارات الراسبين

نوره:أووووووووه لازم أروح علشان العنود

مروى:خليها بكيفها أتركيها تعرف قيمتك

نوره:أساسً أنا بموت من التعب وما أعتقد أني أروح

مروى:ايه صحيح شذى أتصلت عليك وقلت لها انك نايمه، وتقول انها اليوم بتجي بيتنا

نوره:حياها الله

][بعدها صحا احمد من النوم وقراء الرساله وهو يضحك،أتصل عليها ،نوره كانت تتروش ومروى اختها اخذت الجوال متعجبه:مين عديل الروح؟؟!

افتحت الجوال و أسمعت صوت المتصل رجال ,قفلت بوجهه وأعرفت أن اختها تكلم واحد وبعد ما أطلعت نوره ][

مروى:عديل الروح اتصل عليك

نوره:هااا

مروى:اللي سمعتي

نوره:أيييييييييييييه هذا حمد

مروى:عارفه لاني سمعت صوته

نوره:أف خلاص طحتي علي ،تبين الصراحه مو حمد هذا واحد اعرفه من زمان

][وقالت لها كل القصه بعد ما أوعدتها ان الكلام يبقى سر بينهم ،بعد صلاة المغرب جات شذى لـ نوره ,ونوره ماتخبي عليها شيء قالت لها انها شافت احمد واركبت سيارته وكالعاده طبعاً

شذى تنصحها ما تعيدها،،

ومرت 5 أيام وحمد مايكلم احد ولاطلع من البيت والشباب يتصلون عليه وهو يعطيهم مشغول أتصل أحمد على نوره علشان يتطمن على حمد،

ونوره كانت حاطه الجوال صامت فما ردت ، قرر احمد يروح يراقب بيت نوره وهو طالع من الفندق قابله نايف ][

أحمد:هلا نايف

نايف:هلا بك،حمد عندك؟؟

أحمد:لا، يعني أنت ما تدري وينه؟

نايف: لا ،تجي معنا؟

أحمد:وين؟؟

نايف:بيت أهل حمد ،والله ان الشباب خايفين عليه

][راحوا نايف ويوسف واحمد بيت حمد،نزل يوسف من السياره"طبعاً يوسف هو اكثر واحد من الشباب يمون على حمد،طلع تركي اخو نوره اللي اصغر من حمد][

تركي(مستغرب من جيتهم):هلا حياكم الله تفضلوا تفضلوا

يوسف:وين حمد؟

تركي:فوق بغرفته

يوسف: روح ناده ابي اكلمه

][طلع حمد واول ماشاف يوسف احضنه وبكئ ،احمد خاف ان حمد يقول ليوسف عن اخته نوره فحاول يهدي الاوضاع ][

احمد:شباب أذكروا الله انا بكره برجع الغربيه ، ماراح تودعوني؟

حمد:لا ليه تروح؟أنت مو ناوي تكمل بالشرقيه؟؟

أحمد:رحت اسجل وقالوا لي زحمه فغيرت رايي

(حمد بنظره قويه تمليها الدموع):ما راح ترجع؟؟؟

احمد:أكيد برجع بس بكمل دراستي هناك وبشتغل هنا

][قضوا اليوم مع بعضهم لكن ما فيه حد قدر يشيل القهر اللي بقلب حمد ، والفجر احمد رسل رساله لـ نوره انه بكره بيمشي للغربيه واول ما صحت نوره من النوم وقراءة الرساله

عصبت واتصلت عليه][

نوره:ليه تروح؟ ،ماصار لك فتره طويله

احمد:أنا مضطر قدري ظروفي ما اقدر اكمل دراستي عندكم،بس وعد اني ارجع لك

نوره:طيب انت وين الحين؟

احمد:أنا بالطريق وماشي من الفجر باقي لي ساعتين واوصل

نوره:الله يحفظك

احمد:أيه صحيح نسيت اقول لك اني عطيت يوسف الـ لاب توب وقلت له :إذا رحت بيت حمد حط هذا بالمجلس على انك ناسيه واليوم المغرب بعد مايطلع دخلي وخذيه

نوره:طيب انتبه للطريق يا روحي

][ ومرت الأيام أحمدخلص الكليه ويبحث عن شغل بالشرقيه،اما العنود انجحت وحركت غرورها واتصلت على نوره لاتحسبون قالت لها شكراً على كل وقفاتك معي لا صارت تلومها

"ليه ما تقول لها مبروك" طبعاً نوره ما عطت الموضوع اهميه فما تضايقت عليه،

حمد اخو نوره اشتغل وبالصدفه الشركه اللي هو فيها طالبين موظف

وحمد فرح لانه قال لأحمد يقدم أوراقه والشركه أقبلت أحمد بالشرقيه ،

أهل أحمد قرروا يجون الشرقيه زياره وأحمد فاجئهم وقال لهم أنه بيتزوج نوره أخت حمد صديقه وعلى نهاية الاجازة الصيفية أحمد تقدم لنوره وأهلها ارفضوا لكن حمد كلم ابوه وخلاه

يوافق المهم ان نوره صارت زوجت احمد ،

كانت نوره بـ ليلة الدخله تقول لأحمد أمنيتي أني أحج وأحمد وعدها أنه يخليها تحج لكن السنه الجايه ؛لان أول شهر من زواجهم بيرحون لندن على أنه شهر عسل والحقيقه علشان يعالج

نوره من العقم وأول ما أفتحت المدرسة أخذت

نوره أجازه شهر وسافرت مع زوجها أحمد و تعالجت وبعد ما أرجعوا بلدهم بـ 3 شهور نوره صارت حامل وتداوم بالمدرسة والكل فرحان لها على رغم سنها الا ان الأمومه عليها حلوه

وبعد 9 شهور

أنجبت توأم أولاد واحد أسمه يوسف ويشبه نوره أمه والثاني محمد ويشبه أحمد أبوه، وبعد شهر أم أحمد أتصلت على أحمد وقالت له تعال الغـربيه ابوك تعبان ؛طبعاً أحمد قرر يروح

للغربيه ويترك نوره عند أهلها بالشرقيه إلى أن يتحسن وضع أبوه لكن نوره ما رضت

وأصرت على أنها تروح معاه للغـربيه ،المهم راحت نوره وأحمد و أطفالهم التوأم وبعد أسبوعين أرجعت صحة أبو أحمد طبيعيه بس قبل لا يرجعون الشرقيه نوره ذكرت أحمد بوعده لها

وقالت له :بما ان ما بقى إلا أسبوع على الحج تبي تحج وبعدين ترجع الشرقيه

طبعاً أحمد ما يرفض لنوره طلب وبعد أسبوع أتركوا أطفالهم عند أهل أحمد وراحوا للحج بعد ما أنتهى الحج وهم طالعين صابهم حادث مروري مريع "لا حول و لا قوة إلا بالله"

وأرحلت وأتركت كل هالدنيا وراها

نوره وأحمد أجمعتهم الدنيا سوى وفرقتهم سوى وأول ما أسمعت العنود بالخبر تمنت أن نوره ترجع دقيقه أو حتى ثانيه للحياة بعد ما أعرفت قيمت نوره وأن نوره عطتها الاخوه

والأخلاص ساعدتها بالضيقه وأفرحت لها وقت فرحتها ،

وبعد سنه و5 شهور حمد أخو نوره تزوج شذى صديقة نوره وأخذو عيال نوره عندهم

،كانت نوره تتمنى أنها تنجب أولاد واحد حافظ القرآن والثاني إمام المسجد وكانت تقول لشذى قبل تتزوج: أنا عيالي بعلمهم ذكر الله وهم صغار كثير وشذى تحاول تكون لهم الأم المثاليه

بعد نوره...

.. وهــــــــــــــــكذا تــــــــــــمضي الأيـــــــــــــام ..

يا للي تركت صاحبك ايش استفدت

خل التكبر يفيدك دامك تبيه

بس لا تندم وقت ما تسمع

"صاحبك كفنوه"

أو تقول ليته يرجع لي دقيقه

دنيا غريبة والبشر مثلها أغراب

لو هي صفت لك ما صفوا لك بشرها

تعطيك من لذتها كل مـــــا طاب

تغريك ثم تغرقك في بحر هــــا

اتمنى تنال اعجابكم

معذبتهم كلهم